“Tripak: Huts bete hots” Eguzki Donnellan Armengod eta Haizea Beruete Lopetegiren sormen proiektua da. 2018ko Gazte Sortzaileak bekaren laguntzaz sortu dute, Itziar Rekalde Luzarragaren gidaritzapean.
Proposamen artistiko honek, hainbat arte diziplina jasotzen ditu: arte plastikoa eszenografia gisara; literatura –poesia, hein handi batean errezitatua-; eta errezitaldia eszenara eramaten duen gorputz adierazpena.
Ikuskizuna josten duen gaia honela labur liteke: Non zeharkatzen dute elkar subjektiboak eta politikoak? Non norbere tripek eta kolektiboaren sareek?
Sortzaileek diotenez, “biak gazte gara honelako sormen prozesuetan. Jaioberriaren jakin-min hori nahiko genuke aprobetxatu, aukera berriak esperimentatzeko eta sakonerari bideak irekitzeko. Gure tripetatik tiraka, oihartzun bat sortuko dugulakoan! “
