BENETAN BE Ezta pentsatu ere!
Gabonetan jai programaren barruan Benetan be antzerki konpainiaren eskutik, Ezta pentsatu ere! ikuskizuna aurkeztuko digute, familia artean gozatzeko kontzertu teatralizatu ganberro eta desobedientea.
Sinopsia: Jaio nintzenetik naiz postari, jaio aurretik izan ere. Ama postari zen, amaren aita postari zen, amaren aitaren amaren aita postari zen. Ez dut bizitza guztian beste ezer egin, ezta beste ezer egin nahi izan ere. Musika? Kantua? Rock and rolla? Ni? Zuzenean? Ezta pentsatu ere!
PANTZART Plisti Plasta
Gabonetan Jai programaren barruan Pantzart antzerki taldearen Plisti-Plasta ikuskizuna ikusteko aukera izango dugu Oihanederren.
Sinopsia: Orri zuri handi baten moduko espazioan, gizon aktore batek eta emakume antzezlari batek leiho bat aurkitzen dute animali txikiak bertan mugitzen direla. Harago joanda, gauzak agertzen eta desagertzen dira, hala nola txotxongiloak, txoriak eta koloretako ilargiak. Ohartu gabe bezala, objektuek, panpinek eta musikak amets egitera gonbidatzen duen mundua eraikitzen dute. Ondoren, euria iristen da eta paisaia itsaso handi bihurtzen da burbuilaz beterik, airezko lore hauskorrak balira bezala.
PANTZART Amilami
Gabonetan Jai programaren barruan Pantzart antzerki taldearen Amilami ipuin musikatua ikusteko aukera izango dugu Oihanederren.
Sinopsia: AMILAMI, ipuin musikatua euskal kultura herrikoia eta munduko musikak (Boli Kostakoa) batzen ditu hizkuntz artistiko ezberdinak erabiliz: ilustrazioa, musika, ahozko narrazioa eta usainmena.
