Oscar Martín a.k.a. Noish soinu-artista, ikertzaile independente eta programatzaileak "Computer Music con Pure Data" izeneko tailerra emango du: Pure Data programazio-lengoaiaren sarrera, soinu-sorkuntzan eta Computer Music-i lotutako konposizio-estrategietan ardaztuta.
Pure Data tresna egokia da, bai soinu-arloko artistentzat, bai sorkuntza-eredu desberdinekin esperimentatu nahi duen edonorentzat, bide ematen baitu nork bere tresnak eraikitzeko eta DIY kodearen aukerekin esperimentatzeko askatasuna. “Open source” eta multiplataforma da (Linux, Mac, Windows).
Pure Data programazio-lengoaia eta haren programazio-logika ikastearekin batera, tailer honen ardatza da «soinua, audio digitalaren hastapena, soinu-sintesiko oinarrizko teknikak ikasiz, AM, FM, kengarria, gehigarria eta teknika aurreratuago batzuk, hala nola sintesi granularra», zehaztu du soinu-artistak.
Tailerrean garatutako ezagutzak aplikatuz, parte-hartzaileek beren kode-piezak eraikiko dituzte soinu-sintetizadoreak, sorgailuak eta sekuentziadoreak lotuz, eta beren interes sortzaileekin esperimentatuz.
17:00 - 20:30
Espazioa: Lantegia 2. Lab 2
