Eztizko kontzertu bikoitza antolatu dute Campos antzokian, Katalunya eta Euskal Herriko bi ahots goxoenetarikoak elkartuz. Judit Neddermannek 40 minutuko kontzertua abestuko du eta bere ostean, Olatz Salvadorren 75 minutuko kontzertua izango dugu. Olatzen ahotsak, belarrira xuxurlatutako garrasi horrek, eta inguratzen duen musikak, ahuldadearen indarra eta edertasuna erakusteko dohaina dute, dagoeneko dakigunez. Baina zailagoa da hemendik Juditen ahotsaz gozatzeko aukera izatea, beraz emakume honen musikari entzumen bat ematera animatzen zaituztegu.
