Bira Kulturguneko agenda interesgarria eta gomendagarria dela esaten hasiko gara, hasieratik amaierara. Bere barruan, gure Euskal Herriko beste txoko berezi batzuetan bezala, Agora Filosofia Elkarteak antolaturiko Kafe edo pote filosofikoetarako tartea usten dute, hilabetero, gai ezberdinen inguruan patxadaz mintzatu eta hausnartzeko helburuarekin. Hurbildu zaitez nola pentsatzen dugun inguruan pentsatzera, gizarte likido azkar honen barruan oasia aurkitzera. Otsailak 21 asteartean Maitane Nerekan filosofa izango da agora asinkronikoaren gidaria, Lidergoa: zer da hori? Nolako liderrak ditugu eta zeintzuk nahi ditugu? lelopean. Etorri eta pentsatu, mesedez, hauteskunde urtea dala gainera.
