Opoñerse á extinción disko berria aurkezten. SES galiziar kantariak pasa den abenduan argitaratuko laugarren diskoa –Opoñerse á extinción– aurkeztuko du zuzenean martxoaren 2an Bilboko Kafe Antzokian.
Aurreko bi diskoetako lerroak errepikatzen ditu, ukitu eklektikoa du, rocketik bluesera doa, Latinoamerikako kantautoreen zertzeladekin batera eta sonoritate berriei lekua eginez, cantareira- ri -Galiziako kantari tradizionala- espazio handiago eskainiz. SES gero eta handiago egiten ari da, helduagoa, nahiz eta erabiltzen dituen gaiak betikoak diren: maitasuna bere adiera guztietan (kantu bat eskaini dio bere koristaren alabari), baina ez du ahaztuko sekula bere artista ibilbidea markatu duen nortasuna; hots, salaketa soziala.
