Indiako Ozeanoan arrantzan dabiltzan euskal atun-ontzien argazki-katalogazioa jasotzen du Baporak-ek. XXI. mendeko itsasontzi moderno hauen argazki bakoitzak itsasontzien erretratu piktoriko klasikoen eskema formala jarraitzen du. Proportzio konstanteko zeru eta itsaso baten atzealdearen kontra ebakiak ageri diren ontzion forma zorrotzek aurpegirik jartzen ez zaion errealitate bat estaltzen dutela uzten dute agerian aldi berean: ozeanoetan gertatzen dena, ekonomia globalaren zutabe eta oinarri den itsasoko trafiko komertzial bizia. 2013 eta 2015 bitartean Indiako Ozeanoan eta euskal kostaldean egindako itsasontzien inbentario hau ontzien barnealdearen eta arrantzaren xehetasunak azaltzen dizkiguten argazki dokumentalez nahiz argazkietan jasotako objektuek iradokitako erreferentzia historiko eta literarioez lagunduta datorkigu. Eta proiektuaren hasieran eta amaieran, erreferentzia bat: uharte bakartiaren irudia, espazio utopiko eta hastapen berri baterako aukera gisa.
